منتدى شوارعنا

لسنا الوحيدون لكننا المتميزون
 
الرئيسيةالرئيسية  اليوميةاليومية  مكتبة الصورمكتبة الصور  المنشوراتالمنشورات  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

إرسال موضوع جديد   إرسال مساهمة في موضوع
شاطر | 
 

 النمر الاسود مات فى مصر على قضبان المترو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد سامى المصرى
صاحب المنتدى
صاحب المنتدى
avatar

الاسد القرد
عدد المساهمات : 8905
تاريخ التسجيل : 10/08/2010
العمر : 25

مُساهمةموضوع: النمر الاسود مات فى مصر على قضبان المترو    السبت 21 أكتوبر 2017, 10:37 am



في سنة ٢٠١٤ في واحد اسمه محمد حسن لقوه ميت على قضبان المترو و متقطع و مافيش في ايده غير حبه صور لذكريات شبابه 
محمد حسن اللي مات هو نفسه مهمد حسن صاحب قصة فيلم النمر الأسود اللي ألهمت الشباب وفتحت عيونهم على الهجرة و جمدت قلبهم على السفر 
محمد حسن نموذج المصري الصبور اللي جسده اسطورة مصر أستاذنا احمد ذكي 
محمد حسن نجح في تحقيق حلمه كبر و بقى اشهر رياضي في المانيا لدرجة ان محمد علي كلاي لما لعب في المانيا طلب محمد يكون مساعد ليه مقابل اجر ٥٠ دولار 
محمد حسن اللي بقى اسطورة في الرياضة و في عالم البيزنس مات وحيد على قضبان المترو مصاب بالزهايمر و معهوش غير شوية صور وذكريات 
محمد حسن اللي سابته هيلجا حبيبته اللي كانت معاه في الفيلم و اتجوز و احدة تانيه اسمها ( سيلفيا ) اكبر منه و اخدته سويسرا و صنع معاها المجد هناك وبَقى من اهم رجال الاعمال مات مقهور على وفاة سيلفيا حبيبته لانه معدش حد يشاركه نجاحه 
محمد حسن مات في ٢٠١٤ و احنا في ٢٠١٧ اغلب المصريين ما يعرفوش انه مات رغم ان اغلب المصريين حافظين الفليم بتاعه صُم و يعتبر قدوه ليهم
محمد حسن مسك اخر السما بأيديه و ساب كل اللي وراه ورجع علشان يموت في بلده وحيد زي ما سافر وحيد و شاف الذل في ورش الخراطة وهو وحيد
محمد حسن اللي أتحول من شخص نكره ما بيعرفش يكتب اسمه غير بالعافية لاكتر شخصية ملهمة في العالم مات نكرة و وحيد ما يملكش من حطام الدنيا غير حبه صور 
ماذا بعد 
كل واحد اول ما بيتولد و يكبر شوية بيبتدي يكون احلامه او طموحه اللي نفسه يبقى طيار و اللي نفسه يبقى رئيس و اللي نفسه يبقى لاعب كورة 
وكل واحد و تعليمه و كل واحد وتربيته و كل واحد البيئة المحيطة ناس أقصى حلم ليها ممكن يكون حلم تافه بالنسبالك او مش في خيالك اصلا 
ناس ممكن يكون حلمها انها تبقى عندها بيت و ناس تانية بتحلم ان يكون عندها قصر 
شئ طبيعي و مشروع وصحي لكن في زحمة الحياة احلامنا بتصغر و بتتنسي مع الوقت 
انا شخصيا مش فاكر حلمي اني آكون ايه وانا صغير لان أحلامي كانت بتتغير مع الوقت لحد ما بقيت احلام عادية اخلص تعليمي اسافر و اشتغل الاقي البنت اللي بحبها وتحبني 
ومع الوقت بقيت ماشي في دايرة اللي ماشين لا انا طيار و لا سواق بس هو من ضمن الركاب و زي ما الحياة تحدف انا معاها 
فكرت مع نفسي كتير ايه فايدة اني اكون اشهر واحد في العالم او اني اكون اشهر صحفي العالم او أغنى راجل طيب وبعدين هي دي النهاية !!! 
طيب لو ملكت الكون كله طيب و بعدين !؟
هل هكون راضي هل هكون سعيد هل هيكون في خيالي طموح وحلم جديد طيب ايه هو اذا كنت ملكت الكون كله !؟؟ 
اكتشفت ان كل ده مالوش قيمة بدون حد يشاركك حلمك خد يفرح لنجاحك احنا كبشر بنفرح بأعجاب الناس لينا 
بتصقيفهم لينا 
نهاية اي طموح هو كلمة شكرا دي الجايزة الكلمة الحلوة هي الهدف 
الطموح خير وشر 
وطموح الشر اخرته احسنت مش شكرا لان شكرا بتكون من القلب من غير مقابل اما احسنت بتكون نفاق مستني وراه مقابل اي ان كان نوع المقابل حتى لو رد الكلمة بكلمه
..................
اصعب كلمة في قصة النمر الأسود لما اخته راحت تستلمه من المشرحة قالولها 
( احمدو ربنا انكم اتعرفتم عليه قبل ما نقيد الجثة تحت اسم مجهول ) 


#النمر_الاسود















الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shware3na.cool.st/
 
النمر الاسود مات فى مصر على قضبان المترو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
منتدى شوارعنا :: القسم العام :: منوعات-
إرسال موضوع جديد   إرسال مساهمة في موضوعانتقل الى: